АНУ-ЫН ЭРДЭМТЭН ЖИМ САНДЕРСОНЫ СУРГАЛТ СЕМИНАР БОЛОВ

• 

  Нийтлэсэн Б Нямдаваа
• 2018-04-30
• 131

2018 оны 04-р сарын 30-ны өдөр  ШУА-ын Ерөнхий болон сорилын биологийн хүрээлэнд доктор Жим Сандерсон “Хөхтөн амьтны хээрийн судалгаанд автомат камер ашиглан цуглуулсан мэдээ, материалд боловсруулалт хийх нь” сэдэвт сургалт семинарыг зохион байгууллаа.

Доктор Жим Сандерсон нь Өмнөд Америкийн Андын нуруу болон Чили, Болив улсуудад автомат камер ашиглан зэрлэг амьтны урт хугацааны мониторинг судалгаа хийдэг туршлагатай эрдэмтэн юм. Тэрбээр Small Wild Cat Conservation Foundation-ын захирал, IUCN Cat Specialist Group, Mohamed bin Zayed Species Conservation Fund болон Wildlife Conservation Network-ын гишүүн зэрэг үүрэгт ажлыг эрхэлдэг. Тэрбээр өнгөрсөн жил тус хүрээлэнгийн урилгаар “Хээрийн судалгаанд автомат камер ашиглах нь” сэдэвт сургалт семинарыг эрдэмтэн, судлаачдын дунд зохион байгуулсан юм.
Энэхүү сургалт семинарт ШУА-ийн Ерөнхий болон сорилын биологийн хүрээлэн, Дэлхийн байгаль хамгаалах сан, Ирвэс хамгаалах сан, Говийн их дархан цаазат газрын А хэсгийн хамгаалалтын захиргаа, Монгол улсын их сургууль зэрэг  байгууллагын  30 гаруй эрдэмтэн судлаачид, оюутны төлөөлөл оролцлоо.

Мэдээлэл бэлтгэсэн: Эрдэм шинжилгээний ажилтан Н.Баттогтох

---

Бусад мэдээлэл