Хөхтний экологийн лабораторийн цуглуулгын санд сүүлийн 50 гаруй жилд үе үеийн гадаад, дотоодын судлаач эрдэмтдийн цуглуулсан 8 багт хамаарах нийт 115 зүйл хөхтөн амьтны 4107 цуглуулга байгаагаас 3249 нь гавлын яс, 868 нь арьс, 1797 чихмэл хэлбэрээр хадгалагдаж байна. Монгол орны өөр музей, цуглуулгын сан хөмрөгт байхгүй улаан чонын арьс, мазаалай баавгайн гавлын яс, нэн ховор зэрэглэлд хамаарах зарим мэрэгчдийн шинжлэх ухаан, танин мэдэхүйн чухал ач холбогдол, үнэ цэнэтэй олон цуглуулга тус лабораторийн сан хөмрөгт хадгалагдаж байна.
